سلاام عليكم ورحمة الله وبركاته
اخواتي الامهات العزيزات ...
مش عارفة انتوا فاكرني ولا لأ ...
المهم انا كنت من اسبوعين تقريبا بعت اني منهارة من ابني اللي بيتلذذ بأكل الشباشب والجزم اللي مش نظيفة ...
ودا كان الموضوع اللي اشتكيت فيه من ابني
http://www.lakii.com/vb/showthread.php?t=601079المهم عشان مش اعيد الموضوع من تاني واوجع دماغك... عملت بنصيحتكم وشلت كل الجزم من وشه ...
بس كان برضو لو اتكعبل في اي جزمة لازم يلحسها ...
المهم قلت مبدهاش اسال الدكتور بتاعه ... وفعلا سالت الدكتور قالي ياجماعة انها فعلا حالة بتيجي للاطفال اللي عندهم نقص حديد وبياخدوا الحديد دا بانهم يلحسوا الطين اللي في الشبشب ...يعني عنده انيميا ...وفعلا كتبلي على حديد ...الصراحة انا كنت سمعت شبه كلام عن انه نقص حديد من كذا حد عشان كدا سالت الدكتور بتاعه وقالي نفس الكلام ...وسالني اذا كان كمان بيلحس الحيطة ..؟؟؟!!!
قولتله لا الحمد لله ... مش معقولة تبقى من كله ...بس
فحبيت اقولكم تجربتي عشان لو حد منكم لاقدر الله منهار من ابنه زيي يلحق يوديه لدكتور ويكتبلوا على حديد ...
لان والله فعلا بدون مبالغة ابني كان بياكلها بشره غريب ...
ربنا يلطف باطفالنا جميعا يااارب اللهم امين
يارب اكون فدتكم زي ما انتوا دايما بتفيدوني والله ...
