منهو بعد موتي فقدني

ودي أموت اليوم وأعيش باكر
وأشوف منهو بعد موتي فقدني
ومنهو حملني لين ذيك المقابر
وأشكر أنا كل من كرمني ودفني
وشوف يرثيني كم شاعر
ومنهو تركني وما كتب شي عني
وشخص تعنالي معنه مسافر
وشخص قريب وأنا ميت طعني
وشخص يمثل دمعته ما هو بقادر
وشخص تطيح دموعه كل ما ذكرني
ومنهو من أهلي فالعزى كان حاضر
ومنهو دعالي في صلاته ورحمني
ومنهو بنا بسمي سبيل ومنابر
ومنهو يفز قلبه لا من ذكرني
منهو عشاني طول الأيام ساهر
ومنهو ثلاث أيام رااح وتركني
ومنهو يرتب غرفتي والدفاتر
وأن شاف صوره لي طاح وحضني
يالله عسى ما تخفي كل المشاعر
ويالله عسى ما ينصدم اليوم ضني
خايف يروح العمر وأكون خاسر
وأن طار طيري ما يفيد التمني
وخايف يجيني وقت وكسر خواطر
أن دارت الدنيا وزماني كسرني
وما دام هذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل ما بغيت أضحك يهددني حزني
الضيق وافي والحزن حيل وافر
والجرح أكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزن آمر
مسكين فرحي تصدق أنه وحشني
شاعر ولا كني ماني بشاعر
ودي أموت اليوم وأرتاح مني

كلمات تهتف بالـــوحده كلمات محملة بالحزن كلمات رائعه
واجمل من كونها رائعه سلمت اناملكـ على هذا الابداع

تـــقـــبل مـــــرووووري::::: بقآآآآآيآآآآآ جروح

لك تحياتى وشكرى على مرورك العطر

يعطيكـــــــ 1000 ــــــــــ عااافيه
بالفعل دلعهم كثيراً مانتسأل !
هل سيفتقدنا احد بعد الممات؟
ولاكن اجابتي لاأريد سوى الدعاء لي...

الله يوفقك ولكي مني اجمل تحيه